Sunday, November 14, 2010

မြင်းပုနှင့် မြင်းမောင်းသမား

မြင်းပုတကောင်ကို အ၀ီးပြီးကားလမ်းမကြီးတလျှောက် မောင်းနှင်း၏။ ၀န်တင်ကုန်ကားကြီးတစီး ရုတ်တရက်အနားက ပွတ်မောင်းလားရာ မြင်းပုသည်ကြောက်လန့်၍ ကားလမ်းဘဲဂျောက်ကမ်းဘားသို့ ခုန်ချထွက်ပြီးလား၏။ ကြောက်လန့်ဇောနန့် တိုးထွက်ပြီးနီသော မြင်းပု-ပုတုံးကို နှစ်ခေါက်ချိုးဆွဲကိုင်ကာ ကားလမ်းမကြီးထက်သို့ အားသကုန်ပြန်ဆွဲတင်၏။ မြင်းပုကလည့် လူပါမြင်းဂါရီကိုပါ ဆွဲထွက်ပြီး၏။

ကြောက်ဇောနန့်အတူ တစွတ်ထိုးကမ်းလမ်းမကြီးစောင်းသို့ ထွက်ပြီးယင်းထွက်ပြီးနီသည်ကို လက်လျှော့လိုက်ရသည့် မြင်းမောင်းသမားက “အဝေး.......လတုံး..!..။ ဟိုင်း.....အောင်နိုင်သူ.......သင့်ကြောက်စိတ်ကိုလေ့ အနိုင်ယူပါ..ဟုသိမ့်” ဟု စိတ်ပျက်လက်ပျက် အော်ဆိုလိုက်၏။

“တရိစ္ဆာန်က တရိစ္ဆာန်လားလမ်းထက်မှာရာ မောင်းနှင်းသင့်၏။”




ဘာသာပြန်
ခိုင်မြသိန်း (ချောင်းသာကြီး)
၁၈၊ ၁၀၊ ၂၀၁၀
Glada Hudik

မှတ်ချက်။ ။ Ass ကို ဗမာမှာ မြည်းလို့တွိ့ရပါရေ။ ရခိုင်မှာ ဇာခေါ်လေ မသိပါ။ ယင်းအတွက်နန့် မြင်းပုလို့ ဘာသာပြန်ထားပါရေ။ Ass ကို ရခိုင်ပိုင်ခေါ်စွာကို သိကေတချက် ပြောပီးကတ်ပါ။ အထူးကျေးဇူးတင်လျက်။

Thursday, September 30, 2010

ပုရွက်ဆိတ်နှင့်ဒေါင့်ဒေး

နီရောင်တောက်ပနီသော မိုးထက်စောစောတခုမှာ ပုရွက်ဆိတ်တကောင် ပေါ့ပါးလျင်မြန်စွာ အစာရှာထွက်လာယင်း လိပ်ပြာအဖြစ်သို့ အသွင်ပြောင်းခါနီးဖြစ်သော ဒေါင့်ဒေးအိမ်နားက ဖြတ်လာ၏။ သက်ဝင်ခါစ ဒေါင့်ဒေးက သူပုတုံးကိုတချက် လှုပ်ယမ်းလိုက်၏။ ပုတုံးလှုယမ်းမှုက ပုရွက်ဆိတ်အား ကဲ့ရဲ့ပြောဆိုရန် ဆွဲဆောင်လိုက်သလိုလို ဖြစ်လီ၏။ “ငရဲကြီးလိုက်တေပင်..။ တရိစ္ဆာန်ဖြစ်ရစွာတောင် ခြီးလက်မစုံ၊ သနားဖို့ကောင်းလိုက်တေပင်...။ ဇာလောက်ရုပ်ဆိုးလိုက်တေ ဘ၀လေးချင့်။ ငါက ထိုနားဒေနား ပြီးလွှားနိုင်ရေ။ ဧရာမကြီးမားရေသစ်ပင်အမြင့်တိကို ပြီးတက်နိုင်ရေ။ နင်ကား အေမရွတ်ခွံချေထဲမှာ ထောင်ကျကျလို့ရာ။ ပုတုံးချေတခုတည်းရာ လှုပ်နိုင်ရေ။ ဘ၀ငရဲဆိုစွာ ယင်းချင့်ရာမနားယေ..။” ဟု ပုရွက်ဆိတ် မျက်မှောင်ကုတ် ပြောလိုက်၏။ ဒေါင့်ဒေးမှာ ပြန်မပြောနိုင်ဘဲ ကြားရုံလောက်ရာ နားထောင်နီလိုက်ရ၏။

သုံးလေးရက်ကြာသောနောက်မှာ ပုရွက်ဆိတ် နောက်တခေါက် အနားကဖြတ်လာသောအခါ မရွတ်ခွံပိုးအိမ်အခွံတခုတည်းရာ ဟောင်းလောင်းတွိ့ရ၏။ ပါတ်ဝန်းကျင်းကိုတချက် သိုင်းဝိုင်းကြည့်လိုက်၏။ ဇာနားရောက်လားခလေ ဒေါင့်ဒေတကောင်း.... စိတ်မှာရည်ရွက်လိုက်၏။ အလွန်လှပသော ရောင်စုံအပြည့်နန့် လိပ်ပြာတောင်ပန်ခပ်နီသော အရိပ်ကြီးတခု ကျလာသည်ကို အလန့်တကြီးတွိ့လိုက်ရ၏။ လိပ်ပြာက ”တချက် ကြည့်စမ်..!..!..! အဆွေသနားရေ ဒေါင့်ဒေးသူငယ်ချင်းပါရာ...။ လျင်မြန်သွက်လက်တေ အဆွေခြီချောင်းတိ ခွန်အားဟိသလောက် ကျနှုပ်ကိုမှီအောင် လိုက်ပြီးကြည့်ပလင်..။ ကျနှုပ်ပြောရေစကားချေတိကို နားထောင်ချင်ကေ ကျနှုပ်ကိုမှီအောင် ချိတ်တက်ပါလတ်...အဆွေ..။“ ဟု ပြောယင်း ဆောင်းဦးပေါက် လီပြေလီညှင်းထဲ ပျံတက်လားလီ၏။


”ရုပ်သွင်ပြင်တိရေ ထင်ယောင်ထင်မှား ဖြစ်စီတတ်၏“

ဘာသာပြန်
ခိုင်မြသိန်း (ချောင်းသာကြီး)
၂၈၊ ၀၉၊ ၂၀၁၀

Tuesday, June 30, 2009

လယ်သမားကြီးနှင့် မြွီသူငယ်

တခုသောဆောင်ရာသီ၌ လယ်သမားကြီးတဦးသည် အလွန်ချမ်းအီးနီသော ရီခဲပြင်ထက်၌ ခွီလျှက်ဝပ်နီသော မြွီငယ်တကောင်အားတွိ့လီ၏။ လယ်သမားကြီးသည် အလွန်သနားဂရုနာ သက်ရောက်လာပြီး မြွီကိုကောက်ယူကာ သူ၏အနွီးထည်ဆောင်းဝတ်အင်္ကျီအိပ်မှာ ထည့်ထားလိုက်၏။

လယ်သမားကြီးကိုယ်ခန္ဓာ၏ နွီးထွေးမှု၊ ဆောင်းဝတ်အင်္ကျီ၏ လီလုံမှုများကြောင့် မြွီငယ်သည် ပြန်လည်သက်ဝင်လှုပ်ယှားလာ၏။ မြွီရို့၏သဘာဝအလျှောက် လယ်သမားကြီးအား ပေါက်ကိုက်လိုက်၏။ လယ်သမားကြီး၏ ကိုယ်ခန္ဓာတခုလုံး အဆိပ်ပြန့်ဝင်၍ ချက်ချင်ညိုမဲ့လာ၏။ လယ်သမားကြီးသည် အလွန်ကြောက်စိတ်ဝင်လာပြီး သူ၏ထွက်သက်နှင့်အတူ ‘ရန်သူကို ခါးဗိုက်မှာထည့်၍ သနားဂရုနာသက်မိခြင်းသည် အလွန်မိုက်မဲလီစွ၊ မှားလီစွ’ ဟု အော်ဟစ်မြည်တွန်လျက် ကြောက်ကြီးသာန်ဖက်ကျကာ ဘ၀တပါးသို့ ပြောင်းလားရလီ၏။



Aesop fable
ဘာသာပြန်
ခိုင်မြသိန်း (ချောင်းသာကြီး)
(Glada Hudik)

စားစီလိုသောစေတနာ (၀ါ) ကခြည်သည်မျောက်များ

အခါတပါး၌ နန်းတွင်းမင်းသားတဦးမှာ လေ့ကျင့်ပီးထားသော မျောက်တအုပ်ဟိ၏။ ထိုမျောက်များသည် လူများကဲ့သို့ သရုပ်ဆောင်ကပြတတ်၏။ ဆရာခိုင်းသမျှ လိုက်နာဆောင်ရွက်တတ်၏။ အလှအပဆုံးသော ၀တ်စားဆင်ယင်မှုကို နှစ်သက်တတ်ကြ၏၊ ဂုဏ်ယူတတ်ကြ၏။ တရွာဝင်တရွာထွက်၊ တမြို့ဝင်တမြို့ထွက် ပွဲလန်းသဘင်ကြီးဖြစ်မြောက်အောင်ထိ ကပြဖျော်ဖြေကြ၏။ ပရိတ်ဿတ်များ၏ ကောင်းချီးသြဘာ၊ လက်ခုပ်သံများဖြင့် ချီကျူးမှုမျိုးစုံကို အမြဲပိုင်ဆိုင်ထားသူများဖြစ်ကြ၏။

တရက်နိသောအခါ ရွာတရွာ၌ မျောက်ဇာတ်သဘင်ကြီးသည် ရာမလက္ခဏဇာတ်လမ်းကို ကပြနီစိုင် အချေတယောက်သည် သူ၏ဘောင်းဖီအိပ်ထဲက ပဲတောင့်တဆုပ်ယူ၍ စားစီလိုသောစေတနာဖြင့် စင်မြင့်ထက်သို့ ဝေးတင်လိုက်၏။ ပဲတောက်များကိုမြင်ရသော ကခြည်သည်မျောက်များသည် ဇာတ်ကရန်စိတ်မရောက်နိုင်ဘဲ မျောက်ရို့၏သဘာဝအလျှောက် အငမ်းမရ (ဣနြေ္ဒမရ) ပဲတောင့်များကို လုယက်ကောက်စားကြ၏။ ၀တ်စား ဆင်ယင်ထားသော ဇာတ်ဝတ်တန်ဆာပလာများကို ဆွဲချွတ်ကြ၊ တကောင်နှင့်တကောင် ပဲတောင့်လုစားကြ၊ ခိုက်ရန်ဖြစ်ပွားကြနှင့် လူအုပ်ကြီး၏ သရော်ရယ် ရယ်သံများကြား၌
ရာမလက္ခဏဇာတ်ဝင်ခန်းကြီး မပြီးမပြတ် ဘရုပ်သုံးဆယ်ဖြင့် အဆုံးသတ်လိုက်ရ၏။

‘အရာရာတိုင်းသည် သင်ထင်မြင်ယူဆထားသည့်အတိုင်း အမြဲထာဝရမဟုတ်ပေ။’

Aesop fable
ဘာသာပြန်
ခိုင်မြသိန်း (ချောင်းသာကြီး)

အမဲလိုက်ခွီးနှင့်ယုန်သူငယ်

တောင်ကုန်တခု၌ အမဲလိုက်ခွီးတကောင်သည် ယုန်သူငယ်တကောင်အား တောနီတရိစ္ဆာန်အချင်းချင်း မိတ်ဆွေအဖြစ်နောက်ယောင်ခံ အမဲလိုက်လာ၏။ သူ၏ချွန်ထက်သော သွားများဖြင့် တချက်တချက် ငုံကိုက်လိုက် ပြန်လွှတ်လိုက်ဖြင့် မိတ်ဆွေခွီးတကောင်ကဲ့သို့ တောကဇာတ်လိုက်လာ၏။

ယုန်သူငယ်သည် အမဲလိုက်ခွီး၏ ငုံကိုက်လိုက် ပြန်လွှတ်လိုက် လုပ်နီသော အပျော်ထမ်း တောကဇာတ်ခံနီရမှုဒါဏ်ကို မခံမရပ်နိုင်ဖြစ်လာ၍ ‘အဆွေ……အမဲလိုက်ခွီး၊ သင်သည်အကျွန်ုပ်အား တောကဇာတ်မည့်အစား သင်၏မူလဗီဇစိတ်ရင်းကို ဖော်ပြသင့်ပါ၏။ အကယ်၍သင်သည် မိတ်ဆွေတဦးဖြစ်ပါက ပဇာကြောင်း အကျွန်ုပ်ကို နာကြင်အောင်ကိုက်ရပါသနည်း။ အကယ်၍သင်သည် အကျွန်ုပ်၏ ရန်သူတဦးဆိုပါလျှင် (သို့မဟုတ်) အကျွန်ုပ်သည် ကိုယ်ပင်၏သားကောင်တကောင်ဖြစ်နီပါလျှင် ပဇာကြောင်း ဂျီချေတကောင်ကဲ့သို့ အကျွန်ုပ်အား မကိုက်ဖြတ်ပါသနည်း။ မိတ်ဆွေသယောင်ယောင်ကဲ့သို့ ရက်စက်ယုတ်မာခြင်းသည် ရန်သူတယောက်၏ရက်စက်ယုတ်မာမှုထက် ဆိုးဝါးစွာ နာကြင်ခံစားရပါ၏။’ ဟု ပြတ်သားစွာ မီးခွန်းထုတ်လိုက်၏။

အကယ်၍ သင်သည် တစုံတယောက်အား ယုံကြည်မှုဟိခြင်း၊ မဟိခြင်းကို သဲသဲကွဲကွဲ မိမိကိုယ်ကိုမိမိမသိလျှင် မည်သူကိုမှ မိတ်ဆွေအဖြစ် မယုံကြည်ပါနှင့်။

Aesop Stories
ဘာသာပြန်
ခိုင်မြသိန်း (ချောင်းသာကြီး)
Glada Hudik

သမင်မနှင့်ခြင်္သေ့ဖို

တရံရောအခါ မြှားဒါဏ်ရာရနီသော သမင်မတကောင်သည် မုတ်ဆိုး၏အန္ဒရာယ်မှ လွတ်မြောက်ရန် တဟုန်းထိုးထွက်ပြီးလီ၏။ အန္ဒရာယ်မှလွတ်မြောက်လိုသော သမင်မသည် ပြီးလွှားနီယင်း ကျောက်ဂူတခုထဲသို့ ၀င်ပုန်းအောင်းနီလိုက်၏။ သမင်မသည် မုတ်ဆိုး၏အန္ဒရယ်မှ လွတ်မြောက်ပြီးဟုထင်မှတ်လျက် ကျောက်ဂူထဲဝပ်၍ မြှားဒါဏ်ရာကို လျှာဖြင့်ယက်နီယင်း နှစ်ပေါင်းများစွာဂူအောင်းကျက်စားနီသော ခြင်္သေ့ဖိုကြီးသည် သမင်မ၏ဂုတ်ဆက်ကို ရုတ်တရက်ချုပ်ကိုက်ထားလိုက်၏။ ခြင်္သေ့ဖိုကြီး သမင်မ၏ဂုတ်ဆက်ကို မဖြုတ်တမ်းချုပ်ကိုက်ထားနီစိုင် ‘ဒုဏ္ခတရားက အကျွန်ုပ်သာဖြစ်ပါ၏။ မုတ်ဆိုး၏အန္ဒရာယ်မှ လွတ်မြောက်လိုခြင်းငြှာ ကျောက်ဂူထဲဝင်ပြီးခါမှ ခြင်္သေ့ဖို၏ စားပွဲခုန်ထက်က အဟာရပြည်စုံသော ဟင်းလျှာဖြစ်ရပါ၏’ ဟု မြည်တွန်ပြီး ဘ၀နိဂုဏ်းချုပ်ရလီ၏။

‘အန္ဒရာယ်တခုမှလွတ်မြောက်ရန် ကြိုးစားခြင်းသည် နောက်ထပ်အန္ဒရာယ်တခု၏ သားကောင်မဖြစ်စီရန် အလွန်အရေးကြီးပါ၏’


Aesop Fable
ဘာသာပြန်
ခိုင်မြသိန်း (ချောင်းသာကြီး)
Glada Hudik

ခွီးသူငယ်နှင့် ဂုန်းသကြဲ

ခွီးသူငယ်တကောင်သည် ကြက်ဥအလွန်ကြစ်တတ်၏။ ကြက်ဥစားရမှ စိတ်ကျေနပ်တတ်သည့် အလေ့အထဟိ၏။ တရက်သောအခါ အဿပြာ၊ ဂုန်းကောက်ရောင်းစားသော ဆင်းရဲသားအိမ် မောင်းကာစွမ်းအောက်၌ ဂုန်းသကြဲတလုံးကျနီ၏။ ခွီးသူငယ်သည် ထိုဂုန်းသကြဲကိုမြင်သောအခါ အလွန်ပျော်လား၏။ သူ၏ပါးစပ်ကို အကျယ်ဆုံးဖွင့်လိုက်ပြီး အာလောက်ကျ အားရပါးရ မျိုချလိုက်၏။

များမကြာခင် ခွီးသူငယ်သည် အကြီးအကျယ် ၀မ်းခဲ၊ ၀မ်းကြင့်လာ၏။ ၀မ်းခဲဝမ်းကြင့်ဝေဒနာကိုခံစားယင်း ညောင်မြစ်ကြား၌ ၀ပ်လျှက် ‘လုံးဝိုင်းသောအရာတိုင်း ကြက်ဥလို့ထင်မှတ်ခြင်းသည် အလွန်မိုက်မဲ့သော စိတ်ကူးစိတ်သန်းဖြစ်၏’ ဟု စိတ်၌ထင်မှတ်မိ၏။ ခွီးသူငယ်သည် ၀မ်းခဲဝမ်းကြင့်ရောဂါဖြင့် ညောင်မြစ်ကြား၌ ဘ၀တပါးသို့ ပြောင်းရလီ၏။

တွေးတောဆင်ခြင်ခြင်း၊ သုံးသပ်ခြင်းမဟိဘဲ စိတ်ကူးအထင်အတိုင်း လုပ်သောသူသည် မမျှော်လင့်သော အန္ဒရာယ်ကြီးနှင့်ရင်ဆိုင်ရ၏။

Aesop Fable
ဘာသာပြန်
ခိုင်မြသိန်း (ချောင်းသာကြီး)
Glada Hudik